Загвар

“Сайхан залуусын найз бүсгүйчүүд бондгор байх тохиолдол яагаад ийм их юм бэ?” гэж ганц удаа ч болов гайхаж байсан уу? Учир нь жинхэнэ гоо сайхан гадаад төрхөнд биш дотоод сэтгэлд оршдгийг тэд мэддэг юм. Бондгор эмэгтэйн чин сэтгэлийн талаар түр орхиод наад захын шалтгаануудыг дурьдаад үзвэл тэвэр дүүрэн гэдгээс гадна ийм 5 шалтгаан байж болж байна.

1. “Чи юм идэж уудаг юм уу?” гэдэг үг сонсохгүй
Туранхай байх тийм ч атаархмаар бас биш. Хүмүүсээс сонсох үгс ч үргэлж гоё байдаггүй. “Чи юм идэж уудаг юм уу”, “Байж байгааг нь, чөрийчөөд”, “Хэрзгэр”, “Ясан дээр арьс тохчихсон юм шиг” гээд л. Зэвүү хүргээд ч байгаа юм шиг, иймэрхүү хандлагыг сонсож өнгөрүүлэх хэрэгцээ хэзээ ч гарахгүй.
2. Чин сэтгэлийн хайранд эргэлзэх хэрэггүй
Сайн найзыг маань гадаад яваад 15 кг нэмээд ирэхэд нь хаячихсан өөдгүй залуу байдаг юм. Дараа нь түүнтэй хэд хэдэн удаа тааралдахад байнга л туранхай охидуудтай хамт байсныг нь ч санаж байна. Хэрэв хайрт чинь чамайг энэ чигээр нь хайрлаж, үүрд цуг байхаа амлаж буй бол түүний хайранд бүү эргэлз. Тэр чамайг “навь нарийхан” болсон ч хайрынхаа хэмжээг өөрчлөхгүйгээр жинхэнэ эр хүн шиг байж чадна.
3. Биеийн чинь өөрчлөлт бүр чамд сонирхолтой байна
Туранхай үед 3 кг хасчихсан байхад ч хүмүүс анзаарахгүй. Харин бондгор байж байгаад 2 кг хасахад л өөрчлөлт чамд ч, бусдад ч мэдэгдэнэ. Үүнийг чинь л кайф гэдэг байхгүй юу даа!
4. Бүх төрлийн хувцас ялангуяа Монгол үндэсний дээл биенд чинь сайхан сууж өгнө
Цагаан сар, наадам гээд цөөхөн үеүүдэд л дээл өмсдөг болоод байгаа ч тэр болгонд бондгор хүмүүст л сайхан зохиж харагддаг шүү дээ. Эрт дээр үед ч гэсэн мах шөлтэй бүсгүйчүүд сайхны тоонд бичигдэж, үзэсгэлэн гоогоороо гайхуулдаг байсан. Бусад төрлийн хувцсыг ч гэсэн бондгор бүсгүйчүүд өмссөн шиг өмссөн байдаг шүү дээ.
5. Эрчүүдийн бодлоор
“Мах шөлтэй бондгор бүсгүйчүүдтэй секс хийх нь халуун дулаан, барьцтай мэдрэмж төрүүлдэг. Ёстой л нөгөө “өвөр халуунтай” гэдэг чинь шүү дээ. Бүсгүйчүүд яагаад туранхай болохыг тэгтлээ хүсээд байдгийг нь ойлгодоггүй юм.” / Бат – Оргил, 35 настай /
6. Эгдүүтэй гэж өхөөрдүүлнэ
Харах төдийд л эгдүү, хайр хоёрыг зэрэг хүргэдэг хүмүүс бол “бондгорынхон”. Нялх хүүхэд ч гэсэн бондгор тусмаа л хөөрхөн байдаг ш дээ, тэ? Манай ажлын нэг бүсгүй бидэн дундаа л хамгийн бондгор нь юм л даа. Тэр маань өөрөө л турах юмсан гэж ярьдаг боловч яг үнэндээ бидэнд турчих л юм бол түүний эгдүүтэй бүхэн нь үгүй болчих юм шиг санагддаг. Хацар нь хөөрхөн цулцайгаад л, гар хуруу нь ч бондойчихоод байж байгаа нь бүр нэг эгдүүтэй, тэврээд авчихмаар санагдуулаад байдаг юм.
Үүн дээр нэмээд чи өөртөө сэтгэл хангалуун байдаг бол тэгээд л дийлдэшгүй хүчтэй болно гэсэн үг. Хэн ч чамайг бондгор гэдгээр чинь өөлж гоочилж чадахгүй. Яагаад гэвэл чи байдлыг байгаагаар нь хүлээж авдаг, биеийнхээ давуу талуудыг сайн мэддэг, үүнийгээ ч ашиглаж чаддаг юм чинь аргагүй шүү дээ. Асуудал шийдэгдлээ, бондгор байх гоё!